شنت الفنانة زينة، هجومًا حادًا على الفنان أحمد عز، قائلة له: «عيب أوي اللي أنت بتعمله ده، فضحت نفسك وفضحتنا معاك، مش رجولة أنك تحارب أطفال، وواحدة ست أمهم، اللي أنت اتجوزتها، والحقيقة عندك وعندي وعند ربنا، الناس لو عرفت الحقيقة مش هترحمك في الشارع».

وأضافت الفنانة، خلال مداخلة هاتفية ببرنامج «ست الحسن»، المذاع على فضائية «أون تي في»، تقديم الإعلامية شريهان أبو الحسن «أنت رامي طفلين، روح اتبرع بالفلوس اللي بتصرفها على المحامين، لمستشفى 57357، زكا عن ولادك، اللي كانوا عيانين في المستشفى، أنت صعبان عليا وصعبان عليا اللي بتعمله، مش هسيب حقي وحق ولادي وهاخد حقي من حبابي عينيك، حسبي الله ونعم الوكيل فيك».

وتابعت: «أنا مذهولة أن فيه ناس كدا، المفروض يكون عندك إحساس عشان أنت فنان، جمهورك مابقاش بيحبك دلوقتي، بعد اللي أنت عملته، ربنا بيتسر، استر يا أحمد يا عز، ولادك هيعرفعوا ياخدوا حقهم منك كويس».