تعرض محمد عبدالمنصف حارس مرمى نادي إنبي، لموقف محرج على الهواء، بسبب أدوار زوجته لقاء الخميسي التي يصفها البعض بـ”الساخنة” بسبب ارتدائها الملابس الجريئة.

وقال “عبدالمنصف” خلال اتصال هاتفي مع الإعلامي خالد صلاح ببرنامج “آخر النهار” المذاع على فضائية “النهار”: “بزعل بجد من المستوى اللي وصلنا له، النجم للآسف الشديد بيعمل شغل حلو أوي وبيؤدي شخصية، يعني دي مش شخصية لقاء، دي شخصية الدور”.

وأضاف: “مثلاً ممكن يكون في مشهد في فيلم، يسيبوا العمل كله، ويمسكوا في حاجة تافه جدًا، وفي الأخر لا يمكن أن الناس كلها اجتمعت على رأي واحد، لكن في الأخر ممكن يسيبوا الدور كله وتعب الفنان ويمسكوا في حاجة كدة”.

وتابع: “ده ممكن يأثر كتير على نفسية الفنان، لأنهم بيسيبوا كل حاجة حلوة، غيرتي بتكون أنه ميصحش أن حد يتكلم عن لبس معين أو حركة معينة أو حتى كلام، وبدأت أتعود على ده، وحتى لقاء كانت بتحس أني زعلان أو غيران من الكلام اللي بيتقال، وأنا كلاعب كرة بتعرض طبعا لانتقادات كتيرة خصوصًا في الملعب من جماهير المنافسين، لكن ده الحمد لله عمره ما أثر على علاقتنا”.