كل شيء ممكن إذا حبيت نفسك
حب نفسك وأعمل الواجب معاها
 

إسمعك وانصت لضحكاتك وهمسك 
واكسر الدنيا أو اسعى في رضاها
 

دمعتك جرحك تفاصيلك وبؤسك
ايش خص الناس منها ويش عناها
 

ما زرعته لا تظنه صار غرسك
في نفوس الناس للبذرة هواها
 

من رقص لك مبتسم في يوم عرسك
لانطفتْ روحك تعنى في عزاها
 

ما يقيمك غير ما كلته بضرسك
أو يداوي الروح إلا من براها
 

خبي ألامك وباحلامك تمسّكْ
لو ملكت الأرض ما تسلم بلاها
.....