يا قلب أبكي على شقا بلاد العَربْ ‍
الشر فيها يسود والعرش لِمن أغتصبْ
 

العقل فيها هَباءْ من الحياه ما اكتسب ‍
والفكر فيهم يطوف بين البطون والرُكَبْ
 

الجنة فيها تُباع بالصكوك العجب ‍
والبائعين يضربوا على طبول الخُطبْ
 

البعض يلعن يهود والبعض ذاك أصطحب ‍
فيني البدن مزّقوه ومنهُ فيهِ احتربْ
 

خلّوا يميني عِدى تقذف شمالي لهب ‍
والقلب يبكي رجا ومنّي عقلي هربْ
 

وغيّروا رمضان، خلّوا صيامي رجب ‍
وقصدهم قِبلتي ترجع كما في الحِقبْ
 

الظُلم فيهم شموخ والحق لِمن هو غلب ‍
النُصح في الخير ضاع من العقول أحتجبْ
 

اللص فيهم شريف إن كان عنده ذهب ‍
يعطوه خيل الرُبى وزيّدوا لُه رُتبْ
 

الكذب ذا صدقهم وللمعالي وثبْ ‍
صدره نياشين بدا وصار يعصر شنبْ
 

والصدق يمشي كسيح ما عاد بقي له رُكب ‍
قصُّوا لسانه بموس، قالوا أصابه عطبْ
 

والإخوه أعدا جفا ما عاد فيه نَسب ‍
الأخ يقتل أخيه من أجل أتفه سببْ
 

زرعت أرضي سبول وجاء غيري صرب ‍
أرعي شياهي سُدي لأن غير حلبْ
 

النفط تحتي سيول واللهُ ذا قد وهب ‍
غيري به أعتلا وانا اعتلاني حطبْ
 

5/5/2015م